Латушка заклікаў Захад выправіць дапушчаныя ў дачыненні да Беларусі памылкі.

Прыняць “праактыўную, а не рэактыўную” стратэгію ў дачыненні да Беларусі заклікаў краіны Захаду Павел Латушка на канферэнцыі “Пасля выбараў у ЗША: будучыня еўрапейскай бяспекі і трансатлантычнага супрацоўніцтва”.

На думку Латушкі, краіны Захаду памыляюцца, калі думаюць, што “аўтарытарныя, дыктатарскія рэжымы могуць прайсці праз эвалюцыйнае пераўтварэнне”.

“Рэжым Лукашэнкі прадстаўляе сабой пастаянную пагрозу для еўрапейскай бяспекі бо сёння Беларусь не толькі размяшчае вайсковыя аб’екты, але і расійскую ядзерную зброю”, — лічыць палітык.

“Мы нарэшце мусім быць гатовыя прызнаць: дэмакратызацыя Беларусі азначае ліквідацыю рэжыму Лукашэнкі. Гэта больш не павінна быць “чырвоная лінія”. Гэтая “чырвоная лінія” — вынік ілжывай стратэгіі, якая доўгі час дамінавала ў заходняй палітыцы”, — перасцярог Латушка.

✅ Падрабязнасці | 🗝 Без VPN
📷 прэс-служба Паўла Латушкі