FRANЦ

Ад іх заўсёды пачуеце пытанне:
- Ах, калі гэта ўсё скончыцца? Так усё надаела…

Мы не дзівімся, што ім усё надаела. І таму для іх абы канец, абы прыйшло нешта новае, можа яно будзе шчаслівейшае… Хтось можа будзе такім добрым, такім вялікадумным, што нарэшце дасць ім так жаданы супакой, ну й зразумела, чаканы прыпынак. А дзеля таго, што яны не ведаюць, скуль выйдзе гэтая жаданая здань, дык і стараюцца ад усяго быць як надалей..

Бяда для таго грамадзянства, у якім ёсць многа гэткага роду людзей. Бо ў сучасны момант гэта нішто іншае, як смецце, гной, і яны будуць выкарыстаны іншымі толькі як смецце і гной: скончыліся тыя часы, калі ім ”з натуры” павінны былі быць гарантаваныя нейкія “натуральныя” правы, як стварэнням, маючым людзкую істоту.

Сёння кожны беларус павінен быць палітыкам прынамсі ў тым скромным засягу, каб разумець сэнс перажываных светам, Эўропай і іншымі народамі падзеяў. Сёння нас усіх менш павінна цікавіць пытанне - калі гэта ўсё скончыцца, а толькі як усё павінна скончыцца.

Мікола Шкялёнак, віцэ-прэзідэнт БЦР, удзельнік “Чорнага ката”, артыкул “Не калі, а як”, 1942.

1. Вера ў Бога, справядлівасць і адвага - гэта якасці праўдзівага лыцара.

2. Перад тым, як пачаць барацьбу з ворагам, перамагі ўсё зло ў сабе самім.

3. За нашу і вашу свабоду - гэта наш дэвіз. Шануй таму свабоду той краіны, дзе знаходзішся.

4. Будзь свядомы ў сваіх учынках і гатовы несці ўсе іх наступствы.

5. Прыгожы ўчынак лепшы, чым прыгожыя лозунгі.

6. Не вымай зброю без неабходнасці, але і не хавай не выкарыстаўшы.

7. Умей выбачаць паколькі і сам ты не святы.

8. Не будуй свайго шчасця на няшчасцю іншых.

9. Для кавалера Крыжа кожны веруючы ў Бога ёсць братам.

10. Смерць у баі ў абароне Крыжа ёсць для лыцара найбольшым гонарам і нагародай.

..Цяпер, калі для нас залунала зорка вызвалення, цешымся з гэтае магчымасці нацыянальнага адраджэння, і дарма што вялікія цяжкасці і няпэўнасць заўтрашняга дня, - няўтомна працуем і змагаемся.

Наш шлях у будучыню - гэта не БССР, а нацыянальная Беларусь, раўнапраўная з усімі іншымі народамі Новай Эўропы. Вялікая і цяжкая школа жыцця навучыла нас розуму і ужо няма больш наіўных, якія б паверылі бальшавікам.
Мы павінны змагацца і перамагчы - або згінуць, але не аддацца жывымі у катоўскія рукі..

Міхась Ганько, кіраўнік Саюзу
Беларускай Моладзі, артыкул "Мы і бальшавізм", 1943.

Бальшавіцкія метады дзейнасці ў дачыненні да людзей (усё адно ці сваіх, ці чужых грамадзянаў), грунтуюцца выключна на хлусні. Можна смела сказаць, што ў Савецкім Саюзе лгуць усе, пачынаючы са Сталіна і сканчаючы любым савецкім шараговым, прычым хлусня гэтая ўкладаецца ў добра абдуманую, хітрую, складаную сістэму. Хлусня й тэрор - гэта спосабы, пры дапамозе якіх бальшавікі трымалі ў страху шматмільённы народ Савецкага Саюзу. І хлусня - гэта спосаб, пры дапамозе якога яны ашукваюць сляпых, па-дзіцячы наіўных жыхароў Эўропы..

Франц Кушаль, з успаміну “Дарога да Катынскага лесу”.