Праз космас

Перанос.

Пасля заправачнага тэсту па невядомых прычынах карабель Starship S33 быў зняты з паскаральніка SH B14. Цяпер запуск запланаваны на 16 студзеня ў 1:00 ночы па мінскім часе.

Яшчэ адзін цікавы запуск гэтага месяца - місія NG-1 кампаніі Blue Origin запланавана на 13 студзеня ў 9:00 па Мінску. Гэтая місія стане першым арбітальным запускам Blue Origin і дэбютным палётам ракеты New Glenn, у тым ліку вяртаннем яе першай ступені на платформу Jacklyn у Атлантычным акіяне.

#падзея

Апублікаваны спадарожнікавыя здымкі пажару ў Лос-Анджэлесе.

Акрамя таго, 8 студзеня Лабараторыя Рэактыўнага Руху (JPL) NASA абвясціла пра сваё закрыццё і эвакуацыю супрацоўнікаў. Усе аперацыі па падтрыманні сувязі з касмічнымі місіямі былі перанесены ў рэзервовы цэнтр.

Здымкі ад Maxar Technologies.

#навіны

Як Месяц «схаваў» Сатурн 4 студзеня.

4 студзеня адбылося захапляльнае астранамічнае відовішча — пакрыццё Сатурна Месяцам. Гэта рэдкая з'ява, калі адно нябеснае цела засланяе іншае. Увечары назіральнікі маглі ўбачыць, як велічны Сатурн знік за Месяцам і праз гадзіну зноў паказаўся на небе.

#навіны

Любіце фантастыку? Шукаеце штосьці новае і асаблівае?

🌌 Канал Fantastyka_knihi – гэта ўнікальнае месца, дзе ажываюць фантастычныя мары і гісторыі.

Тут вас чакаюць:
▫️ Насычаныя апавяданні, якія здзівяць і натхняць.
▫️ Арыгінальныя гісторыі, што адкрываюць новыя гарызонты ўяўлення.
▫️ Беларуская мова ў самым прыгожым выкананні.

✨ Фантастыка – гэта мары пра будучыню! Далучайцеся і станьце часткай супольнасці, якая любіць марыць.

Пачатак касмічнага года 🔭

🌠 Пік метэорнага патоку Квадрантыды з 3 на 4 студзеня.
Квадрантыды - адзін з самых магутных патокаў у годзе, які доўжыцца з 28 снежня па 12 студзеня. Падчас піку ў ноч з 3 на 4 студзеня абяцаюць каля 110 метэораў у гадзіну на «ідэальным» небе. Метэоры гэтага патоку больш цьмяныя ў параўнанні з Персеідамі або Гемінідамі.
Максімум метэорнага патоку доўжыцца ўсяго 6-8 гадзін. Вельмі важна выбраць правільны час для назіранняў. Па прагнозах, сёлета пік будзе дасягнуты прыкладна ў 18:00 – 19:00 па беларускім часе.

🌒 Венера побач з Месяцам 3 студзеня.
Месяц, асветлены на 15%, і Венера сустрэнуцца ў сузор'і Вадалея. Планету можна будзе ўбачыць пасля заходу сонца без якіх-небудзь аптычных прыбораў.

🪐 Пакрыццё Сатурна Месяцам 4 студзеня.
Пакрыццё - гэта астранамічная з'ява, падчас якой, з пункту гледжання назіральніка з пэўнай кропкі, адно нябеснае цела праходзіць перад іншым нябесным целам, засланяючы яго поўнасцю або часткова.
У дадзеным выпадку такімі целамі стануць Месяц і Сатурн. Іх сустрэча на небе адбудзецца 4 студзеня. Сатурн пачне «хавацца» за Месяцам прыблізна ў 20:30 па Мінскім часе і зноў з'явіцца на небе ў 21:40.

#падзея

🛰 Выпуск #77 - Падкаст «Праз космас».

Слухаць:
Spotify | Apple Podcasts | Dezer | YouTube | Pocket Casts | Яндекс

Вынікі.

Instagram | X | YouTube |Telegram | TikTok

Падтрымаць: Patreon | Buy me a coffee

#падкаст

«Зімовы» Марс ад арбітальнага апарата Mars Express.

Mars Express атрымаў выяву ландшафту ў рэгіёне Australe Scopuli на Марсе, недалёка ад паўднёвага полюса планеты. На здымку бачная сумесь сухога лёду і пылу, якая ўтварыла кантрасны чорна-белы малюнак.

І не спадзявайцеся на калядныя шпацыры па Чырвонай планеце. Умовы ў гэтым рэгіёне куды больш суровыя, чым на Зямлі. Зімой тэмпература тут можа апускацца да -125 °C.

#навіны

Ялінка і касмічны вянок 🎄

Здымак зорнага «вянка» ці зорнага скопішча NGC 602 — гэта вынік працы двух касмічных тэлескопаў: рэнтгенаўскай абсерваторыі «Chandra» і касмічнага тэлескопа James Webb. NGC 602 — гэта яркае скопішча маладых, гарачых блакітных зорак, якое ўтварылася ў выніку калапсу велізарнага газавага воблака.

NASA таксама прадставіла святочнае фота зорнага скопішча NGC 2264, вядомага як «Калядная ялінка». Чырвоныя, фіялетавыя, сінія і белыя іскры атрыманы з дапамогай дадзеных «Chandra», а зялёны і фіялетавы фон створаны па аптычных дадзеных.

#навіны