Мікола Аўтуховіч папярэдзіў пра небяспеку свайго жыцця

У кароткай тэлефоннай размове палітвязень паведаміў, што правёў у ШЫЗА больш за 21 дзень. Ён скардзіўся на невыносны холад і казаў, што ўначы там "зусім катастрофа". Таксама Мікола распавёў, што яму не аказваецца медыцынская дапамога, нягледзячы на тое, што ён мае шэраг хранічных захворванняў. "Калі са мной нешта здарыцца, дык гэта спецыяльна", - дадаў палітвязень.

Нагадаем, Мікалая Аўтуховіча абвінавацілі ў "тэрарызме" і прысудзілі 25 год пазбаўленьня волі.